我的化妝袋 Whats in my makeup bag?

我的化妝袋 Whats in my makeup bag?

我平時如果係普通返工放工係唔會化妝既,除非個日要出街/影相😂係咪好膚淺哈哈我認,所以我唔冇太多化妝品,亦唔會成日買歐美大牌(好貴唔係成日用真係買唔落),唔洗多,夠用就得啦。我多數買得既都係做過research,blogger/youtuber話好用個d或者直接叫sales姐姐推介。


呢個就係我個化妝袋本人啦,係淘寶淘返黎既,因為本身個個唔夠裝,所以諗住買多個黎裝埋其他。但點知佢比想像中大好多,我所有野都裝得哂連Urban Decay Naked個盒眼影都裝得埋,仲要透明一眼睇哂d野係邊個位
附上淘寶link👉🏼請按此

呢個就係原來用緊個個,依加用黎裝d唔常用既野

哂冷先,好害羞添哈哈,真係唔算多野
個雙眼皮貼買左返黎玩左一次之後都冇用過haha

Kate眉粉(又平又好用又易用又come用)
Banila co保濕妝前乳(冬天一定會用,但夏天就一時時,覺得太立)
Kiss me防水眼線液(真係好用好幼好實色)
Etude house十全十美防水眼線筆(唔想條眼線太實就會用呢個,好用,買左黑、啡兩隻色)
Etude house珠光筆(用黎畫卧蠶,佢冇大大粒既閃粉,好自然)
Karadium完美遮瑕膏(呢個用左三、四次就冇再用過,好乾又遮唔到d咩,個掃又流流地)
仲有CLIO眼線液、Cyber colors眉筆加眉Gel(都好用,已經用到柴柴地)

Banila co CC cream(已經係第二枝,但有左bb cushion之後就冇左用過)
Beauty people眼影(化祼妝時就咁查呢個眼影)
3ce三用眼唇頰膏#linggo hoho(隻色好鐘意好韓,有一排係日日用)
Canmake兩用唇頰膏(一時時,OK既)
Canmake眼影打底(用左個眼妝真係冇咁易溶)
MAC粉持色遮瑕膏(除左化祼妝時,其他時間都會用,遮到野又唔會好乾咁)
MJ睫毛膏(呢個唔洗多講啦)
CLINIQUE水漾晶凍翹唇筆(朋友送的,超保濕,如果隻色係自然d我諗佢會取代左枝Tint water)
Maybelline霧面唇膏(非常hot pink,化好勁既妝先會用,唔係知咪霧面關係,好顯唇紋)
REVLON奶油潤彩亮唇膏(一時時,幾潤幾自然)

Urban Decay Naked2 朋友送既生日禮物,好鐘意❤️❤️一盒有齊哂用開既色

另一個袋裝既野
Banila co粉餅(未買Laneige個bb cushion前就係用呢個,但佢其實唔岩色我膚色偏白同埋遮瑕度唔高)
innisfree防曬(平時唔化妝既話就會就咁查呢個就出門)
Peripera個3枝ink(化妝時睇心情用邊隻,三隻色都好出色,但係真係好難抺)
Laneige bb cushion、Carmex潤唇膏同Peripera個枝Tint water係隨身帶住
Carmex潤唇大推!!!已經回購第三次(牙膏裝同枝裝都用過,最好用都係罐裝),查厚d去訓覺第二日d唇皮會冇哂

打打下發現碎粉原來冇影到,因為佢成日漏粉,搞到我都唔敢放佢入袋,但我覺得好好用,好細好滑控油都控到,所以都係要補返d字上黎先
Banila Co. Prime Primer Finish Powder 修顏定妝控油蜜粉(黑蓋個隻)

係咁多啦,其實成日行過d counter睇到都好想買,我覺得自己算好忍得手嫁啦😐女仔買化妝品真係可以買到失心瘋😣