五月總結,五月最後一天睇左五月天演唱會

五月總結,五月最後一天睇左五月天演唱會

五月天氣開始熱,係已經好熱了,最高氣温有成32度。六月才剛開始,最高氣温已經去到34度了。媽呀!夏天呢個季節真係令人又愛又恨😫好久沒更新了,就大概的記錄一下我這個五月做了些什麼。


最近愛上韓國的飲食,最喜歡的就是拌飯,終於明白為什麼韓國人說只要有泡菜同飯就可以食一餐了,真的!跟朋友去食了School Food,點了3樣,全都正皮,清哂!真係好好味👍🏼其實我食野要求唔高,我完全係小學生口味,好易滿足😝

又係韓國野haha,Goobne Chicken,韓國炸雞,去食個日星期六,真係好多人,等位等左好耐,餓到傻😟兩個人去食,所以點只係點左兩樣野,仲要食唔哂要打包拎返屋企,係好食既

密室逃脫,Time Escape,其實成班fd想去,講左好耐但一路都未約到,個日係即日即興約,因為收左工去既,大家都唔想去咁遠,所以先揀左呢間,但麻麻地(因為d fd話其實想去玩恐怖嚇人個d),我地個個好似係最難既,50分鐘,係最尾個part kick住左,出唔到去haha

同同事們去睇左X-MEN,呢日公司同事約好左9點返黎6點走(因為我地其實平時係返10放7既),冇預到腦細,得我地成堆細既去睇,好正。好睇喎,我冇追開都睇得明,唔似美國隊長內戰個套咁,有好幾個位都睇唔明。而且睇完仲想睇返之前個d tim。係KLN Bay影藝睇,$65好平!話說snapchat save低既相都係瘦左既😯

買左新相機,係華仁買既,好似係$4780。係星際買多左舊後備電同買左兩張卡。本身其實想買fujifilm既,但覺得佢太頭大身細,比個sales sale sale下就買左呢部啦。巧嗨森,揾日去試機先😎

黎黎黎!五月重頭戲!五月天演唱會,$980的票,人生第一次買$980的票呀!第13行,原來都唔係好近。朋友企高是五月天的超級粉絲,我也很喜歡五月天的歌,很熱血很正能量,完全是被療癒的一個晚上,這$980花得值呀,謝謝五月天為我的五月畫上了一個完美的句號❤️❤️