行李箱大比拼!! 28吋ELLE、29吋WILD行李箱開箱大比拼

行李箱大比拼!! 28吋ELLE、29吋WILD行李箱開箱大比拼

行李箱大比拼!! 下月個就會飛去澳洲Working Holiday,因為要去成年,所以同企高都決定要買個大既行李箱。買野前第一樣野緊係做research先啦,呢個基本野啦😆做完一大輪research同企高傾左勁耐,就決定左係「American Tourister美國旅行者」同「Wind風之旅者」呢兩個牌子到揀,因為見呢兩個牌子最多人話好推同come用,其實都有諗過Legend Walker既,因為佢個樣真係好靚😍但唔岩我地個筆直(好似要成2000幾),所以就放棄左。


係AT同Wind呢兩個牌子到再做多d research,見AT鋁框既唔係好多款揀,睇唔中,所以最後揀左Wind。Wind係台灣製品牌,所以得台灣有得買,香港係冇得買,好彩朋友企高七月個尾個時會去台灣,佢就可以順手帶返黎,但個時問團購個人話冇貨,但唔肯定幾時有貨,可能七月尾或者八月頭。由於我等唔切同埋驚可能企高去個陣都仲未有貨,所以我就自己去d樓上舖買,係觀塘駱駝漆到買既,最後買左28吋黑色既ELLE。過左一、兩個星期後,Wind個邊都有貨了,趕得切係企高去台灣既時候拎返黎,所以企高就買左29吋灰色既Wind。

我個個(28吋黑色ELLE)買左HKD$1100有5年保養,企高個個(29吋灰色Wind)買左TWD$3744有保養(但唔記得保幾年),除返開約HKD$915
拼埋一齊既對比圖,好奇怪地我個個明明係28吋,企高個個係29吋,但拍埋一齊我個個竟然係大過佢小小😯
行李箱大比拼

29吋灰色Wind,原來佢個個喼係要用鎖匙開,姐係佢要隨身帶住條鎖匙,呢個真係好唔方便
佢係兩邊都有個隔板既,企高話真係好好推,超好推,但佢真心裝得唔係好多野,同埋好薄。

28吋黑色ELLE,上下兩個TSA海關密碼鎖,佢得一邊有隔板,入面個樣冇Wind個個咁好睇
但就真係裝得多野過Wind好多,同埋我覺得都係好推既

係咁多,come唔come用就要用落先知啦,最驚係會甩轆,話哂都買左成千蚊,希望呢個喼可以同我走天涯啦😁
附上29吋灰色Wind既Link👉🏼請按此