為左食甜品,你可以去到幾盡:觀塘工廈下午茶甜品任食

為左食甜品,你可以去到幾盡:觀塘工廈下午茶甜品任食

星期一女神同事在ig上見到有人介紹$68甜品任食無加一,立即同同事大家開心share,當大家仲係到研究有咩甜品,抵唔抵食時,女神同事就已經話不如聽日lunch一齊去食,另外一位同事話”好!揀日不如撞日!”,最驚訝係d男同事都冇意見,陪我地一齊癲。lunch唔食正餐,仲要餓住個肚去到3點先有得食,我真係覺得好crazy。


個日,大家一點幾已經係到話好肚餓,一行九人2點半就已經出發去攞左位先,但其實原來離我地公司都幾遠,行到去都差不多3點。去到個場坐滿一半到(個d應該係lunch未完既人),不過3點甜品任食時間到左,個埸已經爆哂。

我地點左兩round,基本上第一round已經咩都試齊哂,我都已經好夠喉,不過有d同事未夠飽或者想encore。第一round等左好一陣仔,唔算快,第二round d order等左好耐都冇黎到,我地就直接埋單走左。我夾夾埋埋應該都食左8-10件到,過到口癮之餘,仲包一杯野飲,都幾抵下。

Go inside kitchen 觀塘觀塘道404號時運工業大廈5樓D室
下年茶甜品任食時間係1500-1730

去相先,呢張落單紙就係menu本人haha
我覺得好食既:焦糖燉蛋、紐約芝士餅、朱古力沙架餅,唔好食既:芒果乳酪,其他就soso
榴槤炸彈我冇食,但食左既同事一致正皮,話呢個係咁多個𥚃入既No.1,鐘意食榴槤既人一定要試!

Sorry,得好少相haha,因為我唔係相機食先既人😅我下次會相機食先ga la

最後,大家食完仲去左篤魚蛋,因為大家都想食返d熱野同咸野haha
咁岩今日老細唔係office,個lunch食左成兩個鐘,巧嗨森😆😆