[2018-03]深圳開電話卡&銀行戶口分享+注意事項(超重要!!!!)

[2018-03]深圳開電話卡&銀行戶口分享+注意事項(超重要!!!!)

有返開大陸既人都知道,依加大陸買野比錢到到都係用wechat pay/alipay,連去街市買個幾蚊既菜都係一嘟就搞掂! 而網上亦越黎越多攻略教點係大陸開戶同開實名制電話卡,我都寫低分享下我既經歷

電話卡
一過左皇崗大陸關口,天橋底d舖頭仔到買,聯通,回鄉證開卡,比左$100,送500mb,每月6蚊月費(係$100入面慢慢扣),每1蚊500mb

注意事項(超重要!!!!)
1. 即時睇下個電話號碼係咪收到msg,因為一陣開銀行戶口要電話收msg

銀行戶口
我開既係中國工商銀行(ICBC),要有收到msg既手機、回鄉證、大陸地址,稅號個個位佢直接叫我填身份證號碼,最低存款額RMB$300,開卡費$5,開左網上銀行+$10,我星期六下就2點令到去到,冇乜人,應該係呢間分行本身冇乜人,成個開戶過程大約用左45分鐘

注意事項(超重要!!!!)
1. 大陸有啲銀行開五日,有啲星期六都開,有啲星期日都開,間間分行唔一樣,大家上去前要做好功課
2. 間間分行申請程序都唔同,文件都係帶多好過帶少,如: 稅號證明/香港地址證明etc…
3. 開網上銀行職員都會提醒你小心保管密碼會有風險,佢會比你電子密碼器比你,開完要去激活個電子密碼器,職員會一步步教你

成個過程大概就係咁……. 然後搞掂哂d野dup完骨見時間仲早趕到深圳灣架車,就搭地鐵去后海站,然後發現新大陸!!!係保利文化廣場同海岸城自己行左成兩個鐘,行到連尾班車都冇趕到,如果大家有興趣可以話我知,有機會既話就同大家分享😛

我去既分行地址 >> 深圳市福田区福强路1063号京隆苑26-27号(福强支行)
中國工商銀行(ICBC)深圳各分行地址及營業時間 >> www.sz.icbc.com.cn/zytg/2010-07-13/39146.html