[月餅試食]皇玥流心奶黃/芝麻、望月流心奶黃/抹茶

[月餅試食]皇玥流心奶黃/芝麻、望月流心奶黃/抹茶

今年中秋既特登買左兩個好出名流心月餅既brand黎試下🤤分別係皇玥同望月呢兩個brand。經過左三個月既時間之後,我終於有時間整理啲食後感同終於有時間出po la(拍手👏👏👏)

[皇玥]經典流心雙輝月餅 – 流心奶黃及流心芝麻(八個裝)


官方定價為$388
我係係ig上面買月餅券再去門市換既,月餅券$298,平均$37.25一粒

拎返黎就咁放室溫就ok,佢個包裝超實在,但我覺得有啲過度,因為食完之後個盒我真係唔知用黎做咩好,問哂同事有冇人有用都係冇人收留佢,好side。

對比起望月佢一粒既份量係細啲既,偏迷你size,但我個人覺得ok既,因為月餅太邪惡啦,多數都係切到細細舊同人一齊share,寧願食細舊啲但係試多幾隻味

佢既月餅係超香,叮熱同用煎pan去煎兩隻食法我都試過,整熱左之後佢個流心係真係會流既,用煎pan既話佢個皮仲會再變金黃色啲,又再香啲。佢隻流心奶黃係比較重黃味既奶黃,芝麻就係芝麻味,佢個芝麻個流心都做得好好。我自己兩隻味都鐘意,所以呢個我下年應該會再ehco😆

[望月]流心抹茶月餅(4件禮盒裝)

[望月]流心奶黃月餅(4件禮盒裝)



官方定價$208 官方預售價$178
望月呢兩盒我早早7月17號係官網用預訂價訂左$178@1盒
平均$44.5一粒,雖然呢個一粒既價錢比皇玥貴,但佢既一粒都的確係比皇玥個粒大粒啲既
佢個紙袋係直袋,唔講唔知以為入面係wine黎😂

望月呢兩盒係要放雪櫃既,佢話如果放室溫要三日內食左佢,或者食前要早啲攞出黎解左少少凍先。微波爐同煎pan我都試過,佢唔知點解都唔係好做到流心個效果,可能因為就係冇提早攞出黎解凍先。

我自己覺得佢做出黎個feel係比較偏向cake個邊,因為佢好綿下,有少少錯覺好似食緊cake咁。佢隻奶黃係偏奶個隻,睇你地個人喜好,真係有啲人鐘意食奶啲有啲人鐘意食黃啲。抹茶基本上一致好評,有抺茶既苦味,但唔會好苦,啲女同事係咁話個抺茶好味😂(但流唔到心呢part都幾扣分)


總結返先,上面呢幾隻味我全部都有share比同事食,大部分人都鐘意食皇玥既奶黃同望月既抹茶,但都有同事話皇玥既奶黃好’漏'(建議覺得漏其實可以配茶食👍),而我個人就最鐘意皇玥個兩隻奶黃同芝麻😚

其他月餅品牌、背景、月餅既用料呢啲廢話自己上官網睇啦👐
皇玥餅藝 Imperial Patisserie >> https://www.ipastry.com.hk/
望月 Patisserie La Lune >> https://www.wangyue.com.hk/