做激光矯視到底要幾錢?Smile微笑矯視分享!

做激光矯視到底要幾錢?Smile微笑矯視分享!

終於做左微笑矯視啦!!!由上年講到依加,講左成年幾,上個月真係做左啦!唔洗戴眼鏡真係一件好幸福既事啊!呢篇呢分享做矯視既成個程序同個人感受,抱歉因為診所不能拍照所以都沒有照片。

講座當天
4月8號聽講座完當天就決定要做,約了5月24號
先聽左講座價錢會平啲,基本上都係聽左講座先再決定做唔做,個日講講座個位會係你手術當日既主診醫生,講座好詳細咁講解,大家有咩問題想知想問都可以係個日一次過問哂

手術當天
12點上到去,做術前檢查,行左好幾間房,check左好幾樣野,最後check完哂會滴瞳孔放大藥水,再等30~45分鐘等瞳孔放大就可以入房再比醫生check,醫生會同你講你適唔適合做手術,見完醫生我地就去食d野

換衫準備入手術室,手術過程完全唔會痛,醫生會一路話你知依加做到咩步驟,黎緊做咩步驟,會令你好有安全感,好快就做完,由入手術室到出黎手術室個下只係用左10分鐘

做完當下已經睇到野,不過係會有少少blur,同埋係會有少少唔舒服,個隻唔舒服係好似有d野係隻眼到咁既feel,唔係到痛個隻。刮眼、睇野blur持續左一個禮拜到,第二個禮拜已經基本上冇乜野

做完佢會比2枝眼藥水(消炎同抗菌)同人工淚液叫你滴一個禮拜,兩天、兩個禮拜、兩個月都要去覆診一次,如果有咩問題覆診時記住問清楚醫生呀

術後一個月
做完到依加已經一個月多啲,已經完完全全係正常生活,冇咩特別唔舒服,唔洗戴眼鏡既生活真係好正好正好正,但我依加都仲未改到一起身就要搵眼鏡呢個動作😂

手術價錢➡️ $26,100 恒生信用卡付款
了解更多➡️ LASIK and SMILE Clarity SMILE LASIK Centre 清晰微笑激光矯視中心
網站上的資料非常齊全,包括價錢/手術過程/新舊Lasik比較/講座預約